Monday, July 11, 2011

My First Copy Pass

நாலு வருசத்துக்கு முன்னாடி சென்னையில நடந்த என்னோட சொந்த கதை தான் இப்போ உங்களுக்கு சமர்ப்பணம். 'எவ்வளவோ பண்ணிட்டோம் இத பண்ண மாட்டோமா?' ன்னு 2007 ல நான் எம்.எஸ் சாப்ட்வேர் இன்ஜினியரிங் ல சேர்ந்தேன். ஜூலை மாசத்துல பர்ஸ்ட் செமஸ்டர் பரீட்ச்சை ஆரம்பிக்கும்ன்னு சொன்னாங்க. அந்த மோசமான பரீட்ச்சைகளிலேயே முக்கியமான பரீட்ச்சை னா அது Advanced Data Structures And Algorithm தான் . ஏன்னா அட்வான்சுடு நாலும் சரி அட்வைசு நாலும் சரி நமக்கு வேலைக்கு ஆகாது.   மாசா மாசம் நடந்த இடைத்தேர்வுகள் ல  எனக்கு 12/60 தான் இருந்தது . ஜூலை 22 அந்த பரீட்ச்சைக்காக  ஜூலை 1 ஆம் தேதி  நான் புக் வாங்குனேன். ஒரே பயம். எப்படியும் தேறாதுன்னு. ஒரே சோகம். அவசரப்பட்டு புக் வாங்கீட்டேன்னு.


இந்த பயத்துளையும் சோகத்துளையும் எனக்கு தூக்கமே வரல. இந்த எம் எஸ் பரீட்ச்சை எல்லாம் பரோட்டா சாப்புடுற போட்டி மாதிரி இருந்தா நாம முதல்ல இருந்து திரும்ப திரும்ப பண்ணீறலாம். ஆனா இந்த பரீட்ச்சையில கோட்டை விட்டா நம்ம டையமும் காசும் சேர்ந்து நஷ்டமாகும் . சேரி படிக்கலாம்ன்னு புக்க தொறந்தா 3D படத்த வெறும் கண்ணால பாக்குற மாதிரி ஒரு எப்பெக்ட். ஒரு தடவ படிச்சாலும் சரி, ஆயிரம் தடவ படிச்சாலும் சரி, தூக்கம் வராது ... தலை வலி தான் வரும். இந்த லட்ச்சனத்துல 4௦ க்கு 38 எடுத்தா தான் ஜஸ்ட் பாஸ் ஆக முடியும்ங்கற சூழ்நிலை. ஐஸ்வர்யா ராய் எப்படி நம்ம சுமார் மூஞ்சி  குமாருக்கு 'ஐ லவ் யு' சொல்லுறது சாத்தியமில்லையோ அதே மாதிரி நானும் பாஸ் ஆகுறது சாத்தியம் இல்லன்னு எனக்கு தோனுச்சு. உச்.. உச் .. உச் ...பாத்தீங்களா.... கவுளி கூட கத்துது . ஒ நீங்க பீல் பண்ணீங்களா?? தேங்க்ஸ் ங்க.

ஒரு வழியா அந்த பரீட்ச்சை  ஞாயித்து கிழமை மதியம் இரண்டு மணிக்கு ஆரம்பிச்சுது. நான் அடுத்த வருஷம் பாத்துக்கலாம்னு ஏற்கனவே முடிவு பண்ணி வச்சிட்டேன். அதனால தலை வலி மட்டும் வராம இருக்க தயாரா ஒரு ஹைதராபாத் பிரியாணி சாப்ட்டு பொறுமையா ரெண்டே கால் மணிக்கு போனேன். உள்ள நுழைஞ்ச உடனே ஒரு இன்ப அதிர்ச்சி. நான் ஆன்லைன் எக்ஸாம் எழுத சிஸ்டம் இல்ல . அங்க இருந்த சூபர்வைசர் என்னைய கடைசீல உள்ள சீட் ல ஒரு பொண்ணு பின்னாடி ஒக்கார சொன்னாரு. சார் .. உங்க ஜட்சுமென்ட் ரொம்ப தப்பு ன்னு நெனச்சிக்கிட்டே நான் அங்க போய் ஒக்காந்தேன்.  லைட்டா எட்டி பாத்தா அதே எக்ஸாம் தான் அந்த பொன்னும் எழுதிக்கிட்டு இருந்தாங்க. பழம் நழுவி பால்ல விழுந்து... அது நழுவி வாயில விழுந்து... பின்னாலே பாலோ பண்ணி ரெண்டு விரல் வந்து அத தொண்டையில தள்ளி விட்ட மாதிரி அன்னைக்கு எல்லாமே எனக்கு சாதகமாவே நடந்தது .

இந்த இடத்துல தான் ஒரு முக்கியமான சத்தியத்த நான் உடைக்க வேண்டி வந்திருச்சு. எக்ஸாம் ல காப்பி அடிக்க கூடாதுங்கறது என்னோட கொள்கை. ஸ்கூல், காலேஜ் காலத்துல எல்லாம் காப்பி அடிச்சதில்லை. ஒரு அஞ்சு நிமிஷம் யோசிச்சேன். நம்ம இளையதளபதி சொன்ன தங்கமான வரிகள் டக்குன்னு ஞாபகத்துக்கு வந்துச்சு... 'எக்ஸாம் எக்ஸாம் வந்தா... எஸ்கேப்பு பண்ணாத மாமா ... பேப்பர் ச்சேசோ... பிட்டு அடிச்சோ பாசப்பன்னம்மா '. அதனால அன்னைக்கு என் மூளைக்கு லீவ். அந்த பொண்ணு வேகமா எம் எஸ் வோர்டு ல டைப் பண்ணீட்டு இருந்தாங்க. கம்ப்யூட்டர் ல டைப் அடிக்கிறது எனக்கு அசால்ட்டா அல்வா சாப்பிடுரமாதிரி. முன்னாடி உள்ள மானிட்டர் ல கண்ண பிக்ஸ் பண்ணி, மனசு நிறைஞ்ச சந்தோசத்தோட, மன்னன் படத்துல ரஜினிகாந்த் 'காட்டு குயிலு மனசுக்குள்ள ' ன்னு கீபோர்ட் ல வாசிக்கிற மாதிரி டைப் பண்ணினேன் .  எதிர்பாக்காத நேரத்துல இடைவேளை விடுற மாதிரி அந்த பொண்ணு ரெண்டு மணி நேரத்துல  மூணு கேள்விக்கு மட்டும் பதில் எழுதி,  அப்லோடு பண்ணீட்டு போயிட்டாங்க.

நான் அப்படியே ஷாக் ஆகிட்டேன். கடைசி கேள்விக்கும் பதில் எழுதுனா தான் நான் பாஸ் ஆகுரதுக்கே சான்ஸ். 'வட போச்சே' ன்னு அப்செட் ஆகி உக்காந்திருக்கும் போது தான் ஆங்கிலத்திலையே முக்கியமான வார்த்தை எனக்கு ஞாபகம் வந்துச்சு... 'கான்பிடன்ஸ்'.  ஒரு மணி நேரம் ... ஒரு கேள்வி. ரெண்டுல ஒன்னு பாத்திரலாம்ன்னு நானே ட்ரை பண்ணுனேன். கரும்பு தோட்டத்துல புகுந்த கட்டெறும்பு மாதிரி அந்த பெரிய புக் ல நான் விடை தேடி அலைந்தேன்.. ஆமா .. அது ஓபன் புக் எக்ஸாம் தான்.  கடவுளுக்கு நன்றி சொல்லி... ஒரு வழியா எக்ஸாம் முடிச்சேன் . ஆனா ஜஸ்ட் பாஸ் இல்லேன்னா ஜஸ்ட் பெயில் ன்னு பரீட்ச்சை ரிசல்ட் சி-சா ஆடீட்டு இருந்துச்சு. ஒரு மாசம் அப்புறம் ரிசல்ட் வந்துச்சு... நான் ஈ கிரேடு . ஜஸ்ட் பாஸ். 
அப்புறம் என்ன? வாழ்க்கையிலே இந்த நொடி வாசனையோடு நினைவிருக்கும் ..... பூங்காற்றே பூங்காற்றே பூ போல வந்தாள் இவள்....  சாங் ப்ளீஸ் ...